شال ءَ کورونا ویروس ءِ نادراھی گیش

شال ءَ ھوار ءَ سرجمیں بلوچستان ءَ مروچی سِی ءُ نُھمی روچ اِنت کہ سرکار ءِ گوشگ ءَ بندآری اِنت لھتے دُکانی پچ کنگ ءِ سبب ءَ کورونا ویروس ءِ نادراھی روچ پہ روچ گیش بیان اِنت –

بلوچستان ءَ کورونا ویروس ءِ نادراھی ءِ گیش بیگے سبب ءَ بلوچستان ءِ سرکار ءَ بازیں گامگیج زرتگ اَنت – وانگ جاہ ءُ کارگس بند کرتگ ءُ شھرانی بند آری ءَ مروچی سِی ءُ نُھمی روچ سرجم بیتگ-

دومی شھراں رؤکیں لس پاسینجر کش آں ابید رؤکیں دمگی بس سرجم ءَ بند کرتگ اَنت چریشی ءَ دگانی سر ءَ گاڑیانی روگ ءُ آیگ نہ بیگ –

کار ءُ باپاری بنجل بند اَنت وھدیکہ درمان جاہ، ھوٹل، وردی دکان جاہ، کساب، سبزی ءُ شِیرانی دکان پچ اَنت – بند آری کمتر کنگ بیتگ ءُ لھتے دکانانی پچ کنگے اجازت دیگ بیتگ ءُ چریشی ءَ دمگی درچ ءَ نادراھی تہ ءَ گیشی بیتگ –

مھلوک گوشتگیں سرپدیاں منگ ءَ نہ اِنت، دمگ پھزدارنی نیمگ ءَ ھچ وڑیں گامگیج نیست چریشی ءِ سبب ءَ سرکار ءِ نیمگ ءَ نِی بند آری ءَ ترندی کنگ ءَ دانکہ مھلوک لوگانی تہ ءَ بند بہ بیت