ساجد ھسین ءِ کُنٹ ءِ دزکپگ ءَ پد بلوچ راجی رھشونانی جتائیں درشان

بلوچ راجی رھشوناں سویڈن ءَ ساجد ھسین ءِ کُنٹ ءِ دزکپگ ءَ پد جتائیں زھرے درشان کرتگ – 

بلوچ راجی آجوئی لوٹوکیں گل بی اِل اپ ءِ رھشون ڈاکٹر الّا نزر بلوچ ءُ

بلوچ راجی زرمبشت بی این ایم ءِ سرکماش ھلیل بلوچ ءَ سویڈن اُپسالہ ءَ چہ آوار جنگ بوتگیں بلوچستان ٹائمز ءِ شونکار،  ادیب ساجدھُسین ءِ بیرانی ءَ دلپدردی درشان کرتگ –  

ھمے درگت ءَ  ڈاکٹر الّا نزر بلوچ ءَ چاگردی ترامجاہ ٹویٹر ءَ وتی ٹویٹ ءِ تھا گُشتگ کہ ساجد ھُسین ءِ مرگ بلوچ راج ءَ بلاھیں تاوان ئےءُ سویڈن ءِ سرکار ءَ لوٹ اِیت کہ ساجد ھُسین ءِ بیرانی ءِ پٹ ءُ پول ءَ بہ کنت- 

آئی ءَ دیمتر ءَ وتی ٹوئیٹر ءَ شنگ کرتگ کہ مشرپ ءِ انٹریو تامرے ٹکر ءِ باور ءَ داتگ ءُ گُشتگ کہ مشرپ ءِ اے گپ ھم دیم ءَ آرگ بہبنت کہ آئی ءَ دپ ءِ وت گُشتگ کہ من بلوچاں دراڈیھاں ھم جنان  ءُ کُش آں – 

ھمے وڈ بی این ایم ءِ سرکماش ھلیل بلوچ ءَ وتی درشان ءِ تھا گُشتگ کہ درانڈیھ بوتگیں بلوچ اھوالکار ساجد ھُسین ءِ مرگ ءَ مارادردیگ کُتگ،  اے پہ مئے ھاتر ءَ بلاھیں تاوان ءِ  سویڈن پولیس ءُ پھازداراں مارا یکیم  کُتگ، ساجد ھُسین ءِ مرگ ءَ دگہ ھزاراں درپہ دری زند گوازینوکیں بلوچانی ھاتر ءَ ترسناکی اِنت-

آئی ءَ گُشتگ کہ دودمانیں ڈیھانی تھا ھم بلوچانی زندگی مھپوز نہ انت.  ھما ڈیھ کہ وت ءَ انسانی ھکانی پھازگ ءِ سر ءَ پکر کن  آں ھموداروچ ءِ رھمانی یک نامی ئیں ادیب  ءِ آوار جنگ ءُ  بیگواہ کنگ پد آئی ءِ بیرانی ءُ کُشگ ءُ چگل دیگ  بژنیگیں ھالے  

ھلیل بلوچ ءَ گُشتگ کہ ساجد ھُسین ءں مرگ ءَ بلوچ راج ءَ یک گران بھائیں پُسگے ببا داتگ  ءُ اودا یورپی ملک آں تچک ءُ پلگارگی ءِسر ءَ اے جستانی چست بوھگ یک پتری جیڑوے-

 آئی ءَ چہ سویڈن ءِ سرکار ءَ چہ لوٹ کُتگ کہ ساجد ھسین ءِ آوار جنی ءُ پد ءَ کوش ءِ درگت ءَ پٹ ءُ  پول  بہ کنت ءُ مارا دلجمی ءِ گپآں دست ءَ بہ دنت کہ ساجد ءِ کوش ءَ کَے دزمانجن اِنت،

ھمے وڑ ءَ بلوچ سلاہ بندیں گل بلوچ ریپبلکن آرمی ءِ کماندار گلزار امام ءَ ھم وتی شنگ کرتگیں ٹویٹے ءَ گُشتگ کہ پاکستان وتی دپاروارانی واستا  درانڈیھاں ھم دپار ءُ پوڑی روان دیگ ءَ اِنت کہ اود ءَ راستیں گپ جنوک ءُ وتی ھکانی باور ءَ گپ کنوکاں بہ جناَنت ءُ بہ کُش اَنت 

ساجد ھسین ءِ کوش ءَ پاکستانی چیریں ادارھانی دست تچک ءَ مان اِنت ءُ ساجد ھمے سبب ءَ کُشگ بیتگ کہ ساجد ءَ زیرددستیںبلوچانی توار ماں جھانی تاک جاھاں شنگ کرتگ ءُ آئی ءِ توار ءِ بند کنگ ءَ ساجد کُشگ ءُ چگل دیگ بیتگ جھان ءَ لوٹ اِیت بلوچانیکوشت ءُ کوشانی سر ءَ وتی دپ ءَ بہ بوج اِیت –